شێعری هه‌ڵبژارده‌
شێعری وه‌رگێڕدراو

شیعر

گۆرانیی نه‌ورۆز

21 Mar 2009
ناسری حیسامی

ئه‌ی هه‌ڵگری ئه‌وینی پاك!
گوێ بگره‌ بۆ هه‌ناسه‌ی خاك.
وه‌ك په‌نجه‌ره‌ی واڵاكراو
دڵ بسپێره‌ به‌ خۆره‌تاو.
به‌ گوڵپشكۆی دار ئه‌رخه‌وان
گه‌ش داگرساوه‌ دارستان.

نه‌ورۆزه‌، كڵپه‌ی لێت ده‌وێ
هه‌تا ڕووناكی سه‌ركه‌وێ.
له‌ نێو بڵێسه‌دا ماوی
به‌ بێ ئاگر تۆ گومناوی.

ئه‌ی به‌ژنی به‌رز، ئه‌ی سپیدار!
ئه‌ی قامه‌تی سه‌وزی به‌هار!
به‌سه‌رچوو وه‌رزی دابڕان،
وه‌رزی كۆچی باڵنده‌كان.
له‌ گه‌ڵ گه‌زیزه‌ دێنه‌وه‌
نه‌غمه‌ی ئه‌وین ده‌ڵێنه‌وه‌.

نه‌ورۆزه‌ گۆرانیی ده‌وێ
هه‌تا خه‌می خاك بڕه‌وێ،
له‌ هاواری خۆتدا ماوی
به‌ بێ هاوار تۆ گومناوی.

ژانوویه‌ی 2000
بگه‌ڕێوه‌|2784 جار خوێندراوه‌ته‌وه‌|0 بۆچوون| بینێره‌| چاپ

بۆچوون بنێره‌