شێعری هه‌ڵبژارده‌
شێعری وه‌رگێڕدراو

شیعر

بێدەنگی

5 Dec 2011
ناسری حیسامی

دەمێکە من لە دووی تۆ دێم، بە بێدەنگی وەکوو سایە
نە ڕۆژ خاک هێندە بێدەنگە، نە ئەستیرە بە شەو وایە

هەموو سینەم، بە عیشقی تۆ، وەکوو کوانوو بڵێسەی بوو
کە تینی پێ نەما ئیدی، هەموو هەر خۆڵی بەربایە

هەتا سەرسەوزە دارستان، گەڵا و لاولاوی تێکداڵێن
خەزان، هەر تاکە دارێکی، لە بەر زریان، بە تەنیایە

بەفر بەرزایی داپۆشی، لە بەر مژ ئێستە نابینی
کە ئەم دەربەندە دڵتەنگە، چ تۆفیکی لەسەردایە

زمانێکم دەوێ بۆ دوان، کە بانگم کردی بێژی گیان!
چلۆن بدوێم لە گەڵ خەڵکێک زمانی بێ وشەی وایە

هەتا دەنگی شەقەی باڵت نەیە، خامۆشە دڵ ، بۆیە
گمەی ئەم کۆترە زامدارە، دەمێک دێت و، دەمێک نایە

دڵم وەک نەی دەناڵێنێ، گەرووی سەد قومریی تێدایە
بە بێ پەنجەی هونەرمەندت، حەیف بێدەنگە ئەو نایە
بگه‌ڕێوه‌|6260 جار خوێندراوه‌ته‌وه‌|6 بۆچوون| بینێره‌| چاپ
ئه بوبه کرشه ریف زاده | 30 Sep 2013 - 11:30
سلاو کاک ناسر گیان ده ست خوش سپاس

هانا | 17 May 2013 - 05:32
مەحشەر بوو کاک ناسر!!مەحشەر

jakaw | 5 Mar 2012 - 12:20
سڵاو و ماندوو نه‌بوون بۆ ئێوه‌ی ئازیز ، کاک ناسری عه‌زیز،هیوادارم هه‌ر وها له سه‌ڕ خزمه‌ت به هونه‌ری کوردی به‌رده‌وام بن

سه رداري قه لا | 13 Dec 2011 - 04:59
به راستي چيژمان لي وه رگرت و ده ستت خوش بي كاك ناسر و . هيوادارم هه ر وا بي ورچان هه ستي ناسك وبيري پر له ئه فسون و خه يالت به ره و ته شقي ئاسمان بفري

مه‌جید | 6 Dec 2011 - 15:14
سڵاو و ماندوو نه‌بیت کاک ناسری به‌ڕێز، ده‌سته‌کانت خۆش بێت بۆ ئه‌و شێعره ناسک و جوانه. ته‌نیا تێبینییه‌ک، له به‌ندی دووهه‌مدا هاتووه:
نە ڕۆژ خاک هێندە بێدەنگە، نە ئەستیرە بە شەو وایە
من لێره‌دا ناڕێکییه‌ک ئه‌بینم، چ له ڕووی داڕشتن و چ له ڕووی ئاهه‌نگی شێعره‌که‌وه. ئاوا باشتر نه‌ده‌بوو؟
نه ڕۆژ و خاک هێند بێده‌نگن، نه ئه‌ستێره به شه‌و وایه
له‌گه‌ڵ ڕیز، براتان مه‌جید
..................................
سڵاو و سپاس کاک مەجیدی بەڕێز! پێم وایە کێشی دێڕی دووهەم هەندێک قورسە، بەڵام پێشنیارەکەی ئێوەش پێم وایە ئەو گرفتە چارە ناکا. بیرێکی دیکەشی لێدەکەمەوە. دیسان سپاس.

farid | 5 Dec 2011 - 20:46
ده ست خوش بی کاک ناسر زور ریک و پیکه

بۆچوون بنێره‌