شێعری هه‌ڵبژارده‌
شێعری وه‌رگێڕدراو

شیعر

ئاوی ژین، شیعری حافظ‌ی شیراز

29 Jul 2009
ناسری حیسامی

شیعری حافظ‌ی شیراز


ئه‌رێ ئه‌ی تووتی‌یی ده‌نگبێژی ئه‌سرار،
که ‌وا شه‌کرت به‌ تا ده‌ڕژێ له‌ گوفتار!

سه‌رت سه‌وز و دڵت خۆش بێ هه‌تا هه‌ی
چ خۆش نه‌قشی ده‌که‌ی خاڵ و خه‌تی یار!

قسه‌ت سه‌ربه‌سته‌ بوو تۆ بۆ حه‌ریفان
وه‌ره‌ بدڕێنه‌ په‌رده‌ی ڕازی ئه‌غیار!


بوتی چینی دڵ و دینی به‌ با دام
خودا! دین و دڵم ده‌رکه‌ی له‌ ئازار!

به‌ ڕه‌نگێ شۆخی ساقی مه‌ی ده‌گێڕێ
حه‌ریف که‌وتوون، نه‌ سه‌ر ماوه‌ نه‌ سه‌ردار

چلۆن موتریب هه‌وای له‌و په‌رده‌ هێنا
که‌ سه‌رچۆپی ده‌کێشن مه‌ست و هوشیار؟

له‌ ڕووی ئێمه‌ بپڕژێنه‌ گوڵاوێک
خه‌واڵووین و سڕین، ئه‌ی به‌ختی بێدار!


وه‌ره‌ گوێ بگره‌ ده‌ردی ده‌رده‌داران
به‌ له‌فزی هێنده‌ کورت و مه‌عنیی یه‌کجار!

عه‌قڵ هه‌رچه‌نده‌ نه‌غدی کائیناته‌
عیشق کیمایه‌، ئه‌و پووڵێکی ژه‌نگار

که‌ ئاوی ژین به‌ ئه‌سکه‌نده‌ر نه‌به‌خشن
به‌ شمشێر و دراو سه‌ر ناگرێ کار

به‌ مه‌ستووران مه‌ڵێ ئه‌سراری مه‌ستی
قسه‌ی دڵ کوا ده‌زانێ نه‌قشی دیوار؟


له‌ سایه‌ی ڕایه‌تی باڵایی تۆیه‌
که‌ حافظ هه‌ڵده‌کا ئاڵایی ئه‌شعار!

.................

الا ای طوطی گویای اسرار
مبادا خالیت شکر ز منقار
سرت سبز و دلت خوش باد جاوید
که خوش نقشی نمودی از خط یار
سخن سربسته گفتی با حریفان
خدا را زین معما پرده بردار

بت چینی عدوی دین و دل‌هاست
خداوندا دل و دینم نگه دار
از آن افیون که ساقی در می‌افکند
حریفان را نه سر ماند نه دستار
چه ره بود این که زد در پرده مطرب
که می‌رقصند با هم مست و هشیار
به روی ما زن از ساغر گلابی
که خواب آلوده‌ایم ای بخت بیدار

بیا و حال اهل درد بشنو
به لفظ اندک و معنی بسیار
خرد هر چند نقد کائنات است
چ سنجد پیش عشق کیمیاکار
سکندر را نمی‌بخشند آبی
به زور و زر میسر نیست این کار

به مستوران مگو اسرار مستی
حدیث جان مگو با نقش دیوار
به یمن دولت منصور شاهی
علم شد حافظ اندر نظم اشعار
بگه‌ڕێوه‌|4648 جار خوێندراوه‌ته‌وه‌|8 بۆچوون| بینێره‌| چاپ
فه‌وزی ڕه‌مزی | 11 Aug 2011 - 19:52
مامۆستای به‌ڕێزم/ ده‌ستخۆشیتان لێده‌که‌م هیوادارم هه‌ر وا به‌رده‌وام بیت له‌ هه‌ڵبژارده‌ی ئه‌شعاری حافز و سه‌عدی و که‌ڵه‌ شاعیرانی تر.
دووباره‌ ده‌سخۆشیتان لێده‌که‌مه‌وه‌.

loghman bistooni | 3 May 2011 - 19:52
سڵاو کاکه‌ ناسر گیان:
ده‌ستان خۆش و له‌شتان ساق بێت و هیوادارم به‌رده‌وام بیت له‌ وه‌ر گێڕانی شێعر و په‌ره‌ پێدانی کاره‌ هۆنه‌ریه‌کانت.

هيوا | 3 May 2011 - 09:11
خودا پێغەمبەری بۆ شیعریش ناردوو ئەوە یەكێكە لە پێغەمبەران

ک-ب بۆکانی | 5 Aug 2009 - 22:06
سڵاو هاوڕێ ده‌ست خۆش و به‌ده‌وام بی چه‌ند رۆژ باسی شێعری نالیت ده‌کرد له‌وێدا وشه‌ی "چاکت" به‌ هه‌ڵه‌ مانا کرده‌وه‌ که‌ به‌ مانای داوێنی کراس و شت نیه‌ مه‌سه‌له‌ن له‌ مانای تۆدا سینه‌چاک ده‌نێته‌ چی؟ چاک یانی دادڕاویه‌ک له‌ له‌ ئاته‌گ و یه‌خه‌ی ده‌که‌ن
..................
ئه‌م کاته‌تان باش!
به‌ڵێ منیش هه‌ر مه‌به‌ستم ئه‌وه‌یه‌ که‌ به‌ مانای دادڕاوی و شه‌قار و که‌لێن و برینه‌. سینه‌چاک به‌ مانای سینه‌هه‌ڵدڕاوه‌. چاک به‌ مانای داوێنی کراس نییه‌، به‌ مانای هه‌ڵدڕاوییه‌که‌ی شاقه‌له‌. قسه‌که‌ ئه‌وه‌ بوو که‌ به‌ڕێزان مه‌لا عه‌بدولکه‌ریم و کاک حه‌مه‌ی مه‌لا که‌ریم له‌ ته‌فسیری "گرتوویه‌ سه‌گت چاکم و لای تۆمه‌وه‌ دێنێ" نووسیویانه‌ مانای ئه‌وه‌یه‌ که‌ سه‌گه‌که‌ت چاک منی گرتووه‌. من ڕام وایه‌ مانای شیعره‌که‌ ئه‌وه‌یه‌ که‌ سه‌گه‌که‌ت هه‌ڵدڕاویی شاقه‌لی گرتووم. یان چاک ی که‌واکه‌می گرتووه‌. ڕه‌نگه‌ باشتر بێ له‌ بابه‌ت مانای چاک له‌ بابه‌تێکی سه‌ربه‌خۆدا بنووسین. هیوادارم ئه‌و ده‌رفه‌ته‌ به‌ زوویی بێته‌ پێش. سپاس بۆ ئێوه‌ی به‌ڕێز.

فه‌رامه‌رز سه‌جیم | 5 Aug 2009 - 01:01
ده‌ستخۆش کاک ناسر . زۆر باش وه‌رتانگێڕاوه‌. بریا ده‌قی شێعره‌که‌شتان به‌ فارسی دانابایه‌ هه‌تا ئه‌و خوێنه‌رانه‌ی دیوانی حافزیان نه‌خوێندۆته‌وه‌ بیانزانیبا ئه‌وه‌ وه‌رگێڕدراوی کامه‌ هۆنراوه‌ی حافزه‌ .
بۆ کاک حه‌سه‌ن ڕ
کاکه‌ گیان شه‌رت نییه‌ وه‌رگێڕدراوی شێعره‌که‌ ڕێک له‌ فارسییه‌که‌ی بچێ . ئه‌وه‌ی تۆ ده‌یفه‌رمووی وتار و بابه‌ و شتی له‌م چه‌شنه‌یه‌ . بڕوانه‌ شێعره‌کانی خه‌یام که‌ مامۆستا هه‌ژار چلۆن کردوونی به‌ کوردی . خۆ به‌شێکی زۆری چوار خشتییه‌کانی خه‌یام که‌ مامۆستا هه‌ژار کردوونی به‌ کوردی هه‌ر له‌گه‌ڵ فارسییه‌که‌ی یه‌ک ناگرنه‌وه‌ . به‌ڵام هه‌مان مانا ده‌به‌خشێ و ده‌یگه‌ینێ که‌ فارسییه‌که‌ی بۆ خوێنه‌ری باس ده‌کات . له‌ وه‌رگێڕانی شێعر و په‌خشاندا مه‌به‌ست گه‌یاندنی مانا و مه‌به‌ستی شاعیره‌ نه‌ک ته‌رجومه‌ی وشه‌ به‌ وشه‌
دوباره‌ زۆر ده‌ستۆخشی له‌ کاک ناسر ده‌که‌م
......
کاک فه‌رامه‌رزی به‌ڕێز! له‌ ده‌رفه‌تێکی نزیکدا شیعره‌ فارسییه‌که‌ بڵاو ده‌که‌مه‌وه‌. سپاس بۆ ئێوه‌.

حه‌سه‌ن ڕ | 31 Jul 2009 - 17:39
وه‌ک شێعرێکی کوردی جوانه‌ و له‌ سه‌ر دڵانه‌ به‌ڵام ئه‌گه‌ر بێن و ده‌گه‌ڵ فارسی شێعره‌که‌ی هه‌ڵیانسه‌نگێنین لێک دوورییان زۆر پێوه‌ دیاره‌ دیسان ده‌سته‌کانت خۆشبن

saro | 30 Jul 2009 - 14:14
هەی بژی کاکە ناسر گیان ... تاماوەکەی لە مێشکم دەرناچێ ... هیوادارم درێژه‌ بە وەرگێرانی غەزەلەکانی حافز بدەی . بژی و ژیان ئاوێتەی هەناری ترین ماچ .

vanawsha | 30 Jul 2009 - 08:45
زۆر جوان بوو به‌ ڕاستی.

بۆچوون بنێره‌