شێعر
شێعری وه‌رگێڕدراو
ده‌نگ‌ودیمه‌ن
گفتوگۆ
وێنه‌ی ئه‌مجاره‌‌
avatar


وه‌ره‌ پرسیار له‌به‌رد بکه‌ین

4 Apr 2009

له‌ ده‌روونی ئاوێنه‌کان بۆ ده‌ڕوانی ؟ چت لێ ده‌وێن؟
وه‌ره‌ پرسیار له‌ به‌رد بکه‌ین،
بابزانین له‌ چیرۆکی به‌سه‌رهاتی ئێمه‌مانان چ ده‌زانێ؟
وه‌ره‌ پرسیار له‌ به‌رد بکه‌ین، چونکه‌ له‌به‌رد به‌ولاوه‌تر
که‌س نییه‌ که‌س، که‌ چیرۆکی به‌سه‌رهاتی مه‌ بزانێ.
هه‌مووکاتێک، ئه‌وه‌ی لێمان له‌هه‌موو که‌س نزیکتره‌
ته‌نها به‌رده‌!
هه‌میشه‌ له‌ هه‌موان نزیکتر!
تۆ بڕوانه‌!
نیگای هه‌مووان به‌رده ‌و دڵی هه‌مووان به‌رده‌ و
به‌رده‌کانیش چه‌نده‌ سه‌ختن....
چ به‌ردبارانێکه‌ .... هاوار.
وا گریمان به‌ درێژایی هه‌موو عومرت هه‌ر هه‌ڵاتی
په‌نا بۆ کوێ ده‌به‌ی؟
خانه‌ی خوداش به‌رده‌!

به‌ چیرۆکی غه‌ریبانه‌ی خۆم بمبه‌خشن
که‌ من – که‌ سه‌نگی سه‌بوورم–
نه‌ به‌ردم و نه‌ خاوه‌نی سه‌بر و تاقه‌ت.

دڵ که‌ پڕ بوو له‌ خه‌م ده‌شکێ
چ جێگای دڵ، له‌م ماڵه‌دا به‌ردیش ده‌شکێ.
له‌و جێگایه‌ی خوێن له‌گه‌رووی شمشاڵ ده‌تکێ
سه‌یره‌ ئه‌گه‌ر سازێک کوڵی گریانی بێ؟

وه‌ره‌ پرسیار له‌به‌رد بکه‌ین
بابزانین له‌ چیرۆکی به‌سه‌رهاتی ئێمه‌مانان چ ده‌زانێ؟
چونکه‌ ئه‌نجامی کاری جام له‌گه‌ڵ به‌رده‌.
وه‌ره‌ پرسیار له‌به‌رد بکه‌ین.
دواڕۆژ چییه‌ بێجگه‌ له‌وه‌ی
هه‌موو ده‌چینه‌ ژێر به‌رد و
ناومان له‌سه‌ر به‌رد ده‌نووسرێ!
له‌ ده‌روونی ئاوێنه‌کان بۆ ده‌ڕوانی ؟ چت لێ ده‌وێن؟
بگه‌ڕێوه‌|2457 جار خوێندراوه‌ته‌وه‌|1 بۆچوون| بینێره‌| چاپ
yasiin | 8 Mar 2012 - 09:10
وةركيرانى ئةم شيعرةى (ف.م)زؤر لا جوان و سةركةوتووة هيوادارم ئاشنامان بكةيت بةو ئةدةبة بةرزوو بر واتاية دةستان خؤش ماندوو نةبن

بۆچوون بنێره‌






ده‌ستپێ��|پێوه‌ند�� |copyright © 2009 sharistan.org|Design by Chia