وە‌هاره‌ .. نه‌وروز .. ڕوژ کورده‌واری
جەژن و شادیی و عشق و دڵداری

گوڵه‌یل ڕه‌نگاوڕه‌نگ سه‌ر تێرنه‌ ده‌ر
پڕ بوو له‌ عه‌تر دونیا و ده‌یشت و ده‌ر

بوڵبوڵ وه‌ ده‌یشت و ده‌ر و ده‌وه‌نا
وه‌ناو گوڵزار و باخ و چه‌مه‌نا

ئاهه‌نگ شادیی و خوه‌ش وه‌ختی ژه‌نن
مزگانی نه‌وروز وه‌ گوشا خوه‌نن

ساڵ نجاتێ بوو له‌ ژێر ده‌س زمسان
له‌ ده‌س سه‌ردیی و وه‌فر و یه‌خبه‌نان

ڕه‌فیقان .. یاران .. ساڵ تازه‌ و نه‌وروز
ئیمساڵ و هه‌ر ساڵ له‌ گشتان پیروز

ئومێد سه‌لیمی
20/3/2008 Sandvika ... نۆروێژ