بەندی عەلی: ئەگەر

23 Mar 2010

ئه‌گه‌ر پێت ناکرێ گوڵ بی
خشتێک له‌ئاسمان ناڕمێ و
چرکه‌ساتێکی ئه‌م ده‌هره‌ ساتمه‌ ناکا
گه‌ردێک له‌گیانی گه‌ردوونیش
فه‌نا نابێ
ئه‌گه‌ر پێت ناکرێ گوڵ بی
سه‌فه‌ره‌ سه‌وزه‌که‌ی به‌هار
دوا ناکه‌وێ و
هه‌وره‌ خه‌سته‌کانی گوڵان هه‌ڵناپروێن
ئێواره ئاڵتونیه‌کانی جۆزه‌ردانیش
کاڵ نابنه‌وه
ئه‌گه‌ر پێت ناکرێ گوڵ بی
ئه‌ستێره‌ بێ جلیوه‌ نابێ و
مانگه‌شه‌و بێ عیشوه‌ نابێ و
هه‌تاو نابێ به‌نارنجی زه‌ردی گوشراو
ئه‌گه‌ر پێت ناکرێ گوڵ بی
له‌کازیوه‌ی به‌یانێکی موحیبه‌تا
خۆ ده‌توانی
پوشی ده‌م باڕه‌شی کینه‌ی سرکیش نه‌بی
ئه‌گه‌ر پێت ناکرێ گوڵ بی
خۆ ده‌توانی .. دڕکیش نه‌بی
ئه‌گه‌ر پێت ناکرێ گوڵ بی
خۆ ده‌توانی
گه‌ڵای سه‌وزی لق و چڵ بی

به‌ندی عه‌لی .. مارسی 2010

بگه‌ڕێوه‌|316 جار خوێندراوه‌ته‌وه‌|1 بۆچوون| بینێره‌| چاپ

بنار | 27 Apr 2010 - 12:22

ده‌ست خۆش کاک به‌ندی
به‌ گشتی باش بوو، به‌ڵام ئه‌م تیکه‌یه‌؛
ئه‌گه‌ر پێت ناکرێ گوڵ بی
خۆ ده‌توانی .. دڕکیش نه‌بی
ئه‌گه‌ر پێت ناکرێ گوڵ بی
به‌ ڕای من لاواز بوو، به‌ خێرایی و به‌ ڕه‌حه‌تی ئه‌وه‌ی که‌ ئه‌شێ ته‌حویلی خوێنه‌رت داوه‌

بەندی عەلی: ئەگەر

بۆچوون بنێره‌