نه‌ورۆز و سرووشت کوردستان

کڕیوه‌ وه‌و تۆف بێ ڕۆخساریه‌و
جێ پای لێز بودن ‌ وه‌ره‌و لاریه‌و‌
وه‌فر هه‌ڵکشیه‌د وه‌ره‌و بان شاخ
چونویر تێه‌ده‌وبان له‌ ناو ڕاخو زاخ
شاهۆ، داڵه‌هۆ، مانشت، ئارارات
سه‌روه‌ن چه‌رمگ مه‌که‌نه‌ خه‌ڵات
هاژه‌ێ وه‌فراوان له‌ شاخو له‌ دۆڵ
چمان سێ جاره‌ وه‌ ساز و ده‌هۆڵ
واران وه‌و ئه‌سرین نیمه‌ واریه‌و
ته‌رزه‌ وه‌و سرۆشت جۆر ڕێویاریه‌و
سه‌یمه‌ره‌و سیروان، وه‌ زۆڵف شۆڕه‌و
شنه‌ێ باڵیان تێ له‌ مه‌وداێ دیوره‌
به‌ڕه‌زا له‌ تاش وه‌و زۆڵف شۆڕێ
کام که‌ێدن ئه‌ڕاێ، لیرگت داچۆڕێ
چیمه‌ن وه‌و ڕۆخسار پانو شیرینه‌و
وه‌ هاتن نه‌ورۆز هه‌ڵسێدن له‌ خه‌و
گه‌زیزه‌و شه‌وبو له‌ وه‌رماێ مانشت
موژده‌ێ وه‌هار ده‌ن وه‌‌ قه‌ومه‌ێل پشت
سروه‌ وه‌ چه‌وه‌ێل ئه‌ر‌خه‌وانیه‌و
شه‌ماڵ وه‌ مشکیو ئالیخانیه‌و
وه‌نه‌وشه‌و نه‌رگس، له‌ی وه‌رو بنه‌
‌تیه‌نه‌ پێشوازمان وه‌ زه‌رده ‌خه‌نه‌
هه‌ڵاڵه‌و شه‌وبو وه‌گه‌رد هه‌ڵمه‌ڵێ
گۆڵوارانمان که‌ن، هه‌ر سه‌رێ چڵێ
گه‌زیزه‌و سوسه‌ن، وه ‌لاره‌و له‌نجه
‌ چۆپی گه‌ردنن وه‌ توک په‌نجه‌
نه‌رگس وه‌ له‌نجه‌ له‌رنێده‌و له‌شێ
کانی وه‌ خۆڕه‌ داوا که‌ێ به‌شێ
گشتیان وه‌یه‌کوه‌ به‌زمیان گه‌رمه‌
له‌ هۆره‌و شمشاڵ له‌ هه‌زار نه‌زمه
نه‌ورۆزه‌ جه‌ژنه‌، جه‌ژن کوردانه‌
وه‌هار هاتگه‌ و له‌ێره‌ میوانه‌‌
‌‌‌
ئێقباڵ سه‌فه‌ری 2010-03-22

‌