شێعر
شێعری وه‌رگێڕدراو
ده‌نگ‌ودیمه‌ن
گفتوگۆ
وێنه‌ی ئه‌مجاره‌‌
avatar


ته‌نگانه

12 Apr 2009

دێن بۆن به ‌ده‌مته‌وه‌ ده‌که‌ن
نه‌کا ڕۆژێک وتبێتت خۆشم ده‌وێی.
دێن بۆن به ‌دڵته‌وه ‌ده‌که‌ن
ڕۆژگارێکی سه‌یره‌ گوڵم.
خۆشه‌ویستی
له ‌دارته‌لی قه‌راخ ڕێگه‌ی به‌ربه‌ستکراو شه‌ته‌ک ده‌ده‌ن
ده‌یده‌نه‌به‌ر قه‌مچی و شه‌للاق
ده‌بێ ودمی خۆشه‌ویستی له‌ که‌لێن و له‌ په‌سیوی ماڵ په‌ستێون،
بیشارنه‌وه‌.

له‌کۆڵانی به‌ربه‌ستراوی ساردوسڕدا
ئاوردووه ‌شیعر و سروود
ئاگری پێ ده‌که‌نه‌وه‌
باسی سه‌ره‌ بیرکردنه‌وه‌
ڕۆژگارێکی سه‌یره‌گوڵم.
ئه‌وه‌ی شه‌وان ده‌رگا ده‌کوتێ
هاتووه‌ چرا بخنکێنێ
ده‌بێ تیشکی ڕووناکایی له‌ که‌لێن و له ‌په‌سیوی ماڵ په‌ستێون،
بیشارنه‌وه‌.

وا قه‌سابان
سه‌ر ڕێگه‌کانیان گرتووه‌
تیغ و چه‌قۆی خوێناوییان به‌ده‌سته‌وه‌
ڕۆژگارێکی سه‌یره ‌گوڵم.
توێ توێ بزه ‌له‌ برینی لێو داده‌تاشن
گۆرانی له‌برینی گه‌روو
ده‌بێ شه‌وق و شادمانی له ‌که‌لێن و له‌ په‌سیوی ماڵ په‌ستێون،
بیشارنه‌وه‌.

دێن قه‌ناری
به ‌ئاگری یاس و سوێسن ده‌برژێنن
ڕۆژگارێکی سه‌یره‌گوڵم.
ئیبلیسی سه‌رکه‌وتووی سه‌رخۆش
له‌سه‌ر سفره‌ی شینی ئێمه ‌شایی ده‌کا
ده‌بێ خودا له‌ که‌لێن و له ‌په‌سیوی ماڵ په‌ستێون،
بیشارنه‌وه‌.
بگه‌ڕێوه‌|3408 جار خوێندراوه‌ته‌وه‌|7 بۆچوون| بینێره‌| چاپ
هاورێ هیرانی | 10 Jul 2015 - 06:55
پێش ئەوەی ئەم هۆنراوەی شاملو بە فارسی بخوێنمەوە وەرگێڕانەکەی تۆم خوێندۆتەوە کاک ررناسر، راستی لەتۆوە من شاملوم ناسی و خۆم فێری بۆرە فارسییەک کرد کە دەرەقەتی شیعر خوێندنەوە بێت. بەتایبەتی بۆ ئەم هۆنراوەیە لە بەراوردا لەگەڵ دەقە فارسییەکە و بەگۆرانییکراوەکە لە ئاوازەکەی داریوشدا، هەر دەقە کوردییەکەم پێ بەپیزترە.

nala | 29 Jan 2012 - 20:04
دةست خؤش كاكة ناسر كيان وةك هةميشة زانيوومة برؤسةى وةركيَران بةشيَك لة رؤحى جوانى دةق دةكوزيَت لىَ ئةتؤ بةبيجةوانةوة كارت بؤ كردووة

ئازاد | 31 Aug 2010 - 18:01
كاك ناسري به ريز . چ بليم له ده س خوشانه زياتر .هه ر ئه ويندار و به رده وام به

بنار | 25 Apr 2010 - 13:56
کاتێ بۆ یه‌که‌م جار ئه‌م وه‌رگێڕانه‌م خوێنده‌وه‌ زۆر زۆر چێژی پێدام
به‌ ڕاستی هه‌میشه‌ وه‌رگێڕانه‌کانی جه‌نابت زۆر باش بوه‌ به‌ لامه‌وه‌
کارگه‌لێکی وه‌ک ئه‌مانه‌یه‌ که‌ مرۆڤ باوه‌ڕ به‌وه‌ ده‌کات که‌ ده‌کرێ شیعریش وه‌ربگێڕدرێت
هه‌ر سه‌رکه‌توو بیت مامۆستا

sarhad alani | 29 Jul 2009 - 01:04
به‌ ڕاستی ده‌سته‌کانت خۆش کاکه‌ ناسر ماندوو نه‌بیت، له‌ هه‌موو داهێنانه‌کانت ڕێز ئه‌گرین، ته‌مه‌ن درێژ بیت و ماندوو نه‌بیت. من ئه‌م هۆنراوانه‌ی تۆ وه‌رت گێڕاون به‌ ده‌نگێکی تر هه‌من به‌ڕاستی ئارامیم پێ ئه‌به‌خشن، هیوادارم به‌ ده‌نگی خۆت بێت یا هه‌ر ده‌نگێکی تر ئه‌م خوڵقاندنانه‌ت بخه‌یته‌ سه‌ر ئه‌م ماڵپه‌ڕه‌ خۆشه‌ویسته‌. شاد بژیت.

hoshangkareem | 18 Jun 2009 - 08:28
ده‌ستت خۆش ماندوونه‌بیت.

عمری پیرک | 6 Jun 2009 - 21:13
زۆربه‌ڕێزکاک ناسری‌حسامی زۆر خۆش‌ترده‌بوو ئه‌گه‌ر بمان‌توانیبا ‌به‌‌ده‌نگه‌خۆشه‌
که‌ت
گوێمان له‌م شعرانه‌بوایه‌.من خۆشه‌ویستیم هه‌یه‌ بۆتواناوبه‌خشنده‌یت

بۆچوون بنێره‌






ده‌ستپێ��|پێوه‌ند�� |copyright © 2009 sharistan.org|Design by Chia