شێعر
شێعری وه‌رگێڕدراو
ده‌نگ‌ودیمه‌ن
گفتوگۆ
وێنه‌ی ئه‌مجاره‌‌
avatar

بیروڕا

avatar

چوارینه‌

14 Feb 2010

ڕاتان له‌ بابه‌ت ئه‌م چوارینه‌یه‌ی خه‌ییام چییه که‌ هه‌ژار کردوویه‌ به‌ کوردی‌‌؟ ئایا گرفتێک له‌ وه‌رگێڕانیدا ده‌بینن؟

جوانی به‌په‌له‌ و به‌ بێ نه‌وه‌ستان ڕۆیی
ڕۆژگاری ژیان وه‌ک شه‌وی مه‌ستان ڕۆیی
ئه‌م ژینه‌ که‌ هه‌ر ده‌مێکی دنیای دێنا
داخم که‌ به‌ بێهووده‌ له‌ ده‌ستان ڕۆیی
خه‌یام/ هه‌ژار
بگه‌ڕێوه‌|3495 جار خوێندراوه‌ته‌وه‌|17 بۆچوون| بینێره‌| چاپ
عه لی | 15 Feb 2012 - 05:39
این قافله عمر عجب می گذرد
دریاب دمی که از طرب می گذرد
ساقی غم فردای حریفان چه خوری
پیش آر پیاله را که شب می گذرد

ڕه‌حمان شه‌خسی | 20 Sep 2010 - 10:47
(جوانی به‌ په‌له‌ و به‌ بێ نه‌وه‌ستان ڕۆیی)
هه‌ر وه‌ک ئا شکرایه ده‌سته‌ واژه‌ی(به‌بێ نه‌وستان) له‌م چوارێنه‌ دامانای شێعره‌که‌ ده‌شێوێنێ ‌

هیوا زه‌ندی | 21 Feb 2010 - 21:07
کاک کاوڵانی هیوادارم بمبه‌خشی هاوڕێ له‌گه‌ڵ ئه‌وانی دی، چونکه‌ ئه‌و بۆچوونه‌ی پێشتر نووسیم، هه‌ر بۆچوونه‌که‌ی تۆیه‌، جا له‌به‌ر ئه‌وه‌ی پێشتر ئه‌و چوونه‌ی تۆم نه‌خوێندبۆوه‌،بۆیه��
� ئاماژه‌م پێی نه‌کردوه‌، بمبووره‌، ئه‌گه‌ر وانه‌با ده‌منووسی منیش وه‌کو کاک كاوڵانی بۆی ده‌چم

هيوا زه‌ندی | 21 Feb 2010 - 20:49
من پێموایه‌ مامۆستا هه‌ژار ده‌ڵێ بێنه‌ وه‌ستان. واته‌ به‌ ماندووبوون، چونکه‌ بێن یان بێهن له‌ کورمانجی دا واته‌ هه‌ناسه‌، و وه‌ستانیش واته‌ ماندووبوون بزوێنه‌که‌ی نێوانیشیان ئامرازی ته‌عريفه‌ بۆ بێهن

ئالان فتووحی | 21 Feb 2010 - 00:50
به‌ بۆچونی من مامۆستا هه‌ژار به‌ هه‌ڵه‌ دا چووه‌ و مه‌به‌ستی "به‌ بێ وه‌ستان بووه"، باوه‌ڕ ناکه‌م ئه‌گه‌ر هه‌ستی به‌ تێکچوونی مانا کردبا، نه‌ی توانیبا به‌ جورێکی دی ئه‌و میسره‌عه‌ داڕێژێته‌وه. هه‌رچه‌ن راست کردنه‌وه‌ی له‌ راست کردنه‌وه‌ی شێعره‌که‌ی شێرکۆ بێکه‌س زه‌حمه‌تتره‌، له‌ وێ ده‌کرێ نه‌وه‌ستان بۆ وێنه‌ بکرێ به‌ "راوه‌ستان" یان "پشوودان" :
شه‌هید وتی:
من و زه‌وی وه‌کوو یه‌ک واین
ئه‌وه‌ی له‌ هیچمان ڕوو نه‌دا
را‌وه‌ستانه‌!
(یان: ...ئه‌وه‌ی له‌ هیچمان ڕوو نه‌دا
پشوودانه‌!)

وه نه وشه | 16 Feb 2010 - 10:02
شتێکم له بیر چوو بینوسم ئه ویش ئه وه یه که وشه ی نه وه ستان مان نیه.
نه له هه نبانه بۆرینه دا هه مانه نه له فه رهه نگه کانی دیکه دا هه ر بۆیه ش ئیحتمالی هه له ی چاپیش زۆره .کاتێک مام هه ژار له فه ره نگی خۆی دا ئه و وشه ی نه هێناوه چون به کاری دێنه؟ دیسان ئه و ده لیله ی کاک کامیلیش هێناوێتی یانی گوێ داوه ته ده نگی ماموه ستا هه ژار جێ سرنج دانه به لام فه رقی بێژه ی نه وێستان و نه وه ستان زۆری هه ست پێ ناکرێ
ئه گه ر دونیا بوو وشه ی " نه وه ستان " له شونێک دۆزراوه واته وجوودی هه بوو ئه و ده م ره نگه هه ر به و مانایه بێ که کا ك حه سه ن ڕ ئاماژه ی پێکردووه

وه نه وشه | 16 Feb 2010 - 09:41
سڵاو له هه موو لایه ک
له هه نبانه بۆرینه دا ووشه ی " نه وێست " به " بی آرام " مانا کراوه ته وه جا ئه گه ر وایه " نه وێستان "ده توانین بلێن مانای " بی آرامی " هه یه . هه ر بۆیه ش ئه من نه زه رم ئه وه یه مام وه ستا هه ژار هه له ی نه کردووه مه به ستی ماموه ستا هه ژار ئه وه بووه که بلێ " ژیانی جه وانی زۆر به " ئارامی " ته واو بوو. به بێ نه وێستان یانی "به ئارامی" ، یانی بێ ئه وه ی مروڤ به خۆی بزانه جه وانێکه ی تێپه ر ده بێ
ئه وه نه زه ری منه هیوا دارم منیش هه له م نه کردبێ

كامیل بۆكانی | 16 Feb 2010 - 00:56
وه‌ڵا كاكه‌ كاوڵانی گیان دیسان چوومه‌وه‌ سه‌ر فایله‌ ده‌نگییه‌كه‌ و سێ جاری دیكه‌ زۆر به‌ وردی گوێم لێ گرت. مامۆستا هه‌ژار ده‌ڵێ: "جوانی به‌ په‌له‌ و به‌ بێ نه‌وه‌ستان رۆیی". ئه‌وه‌نده‌ش ده‌نگه‌كه‌ی ئاشكرایه‌ ناتوانم هیچ گریمانه‌یه‌كی دیكه‌ی له‌ جێ دانێم و بڵێم ره‌نگه‌ وا بێ و من ئاوای لێ تێگه‌یشتووم. یا مامۆستا هه‌ژار به‌ هه‌ڵه‌ چووه‌ یا نه‌وه‌ستان مانایه‌كی هه‌یه‌ كه‌ ئێمه‌ نایزانین.

وه نه وشه | 15 Feb 2010 - 22:23
افسوس که نامه جوانی طی شد
و آن تازه بهار زندگانی دی شد
آن مرغ طرب که نام او بود شباب
افسوس ندانم که کی آمد کی شد

کاوڵانی | 15 Feb 2010 - 14:30
کاک ناسر گیان من بۆچونه‌کانم خوێنده‌وه‌ کاک کامیل نوسیویه‌تی به‌ ده‌نگی مامۆستا هه‌ژار گوێی له‌و چوارینه‌ بوه‌ که‌ ده ڵێ به‌ بێ نه‌وه‌ستان رۆیی من گوێم لێ نه‌بوه‌ به‌ڵام ئه‌گه‌ر وا بێ من وای بۆ ده‌چم که‌ {به‌بێهنه‌وه‌ستان } بێ واتا به‌ پشوو سواری هیوادارم هه‌ڵه‌م نه‌کردبێ.
.............
کاکه‌ کاوڵانیی به‌ڕێز! ئه‌وه‌ش ڕێی تێده‌چێ، گه‌رچی من هێشتا پێم وایه‌ ئاساییترین گریمانه‌ ئه‌وه‌یه‌ که‌ مام هه‌ژار هه‌ڵه‌ی کردبێ‌. حه‌ز ده‌که‌م له‌ گریمانه‌ی خوێنه‌رانی دیکه‌ش ئاگادار بم، دواتر به‌ هه‌موومان ڕاوێژێکی لی ده‌که‌ین

کاوڵانی | 15 Feb 2010 - 12:02
به‌ بۆچوونی من مامۆستا هه‌ژار ئه‌وه‌نده‌ ده‌سته‌وه‌ستان نه‌بوه‌ که‌ نه‌توانێ بۆ کێشی ئه‌و شێعره‌ وشه‌یه‌کی گونجاو بدۆزێته‌وه‌ ڕه‌نگه‌ هه‌ڵه‌ له‌ چاپ کردن دا بێ ده‌نا ده‌کرێ مه‌به‌ستی شاعیر ' به‌ بێ ڕاوه‌ستان ' بووبێ

Diyako hashemi | 14 Feb 2010 - 23:36
کاک ناسر گیان بۆ ئەوەی بتوانرێ لەسەر وەرگێڕانەکە ڕادەرببڕێت زۆر باشتر دەبێ ئەگەر دەقی هۆنراوەکەی خەیامیشت بە زمانی بنەڕەتی دابنایەت
...........
کاکه‌ دیاکۆی به‌ڕێز! نه‌مدیته‌وه‌. یانی دڵنیا نه‌بووم ئه‌وه‌ وه‌رگێڕدراوی کام چوارینه‌ی فارسییه‌. ئه‌گه‌ر دیته‌وه‌، بۆم بنێره‌ بڵاوی ده‌که‌مه‌وه‌.

كامیل بۆكانی | 14 Feb 2010 - 22:26
كاك حه‌سه‌ن گیان منیش به‌ر له‌وه‌ی بۆچوونی پێشووم بنووسم بیرم له‌وه‌ كرده‌وه‌ ره‌نگه‌ ئه‌وه‌ هه‌ڵه‌ی تایپی یا چاپی بێ. هه‌ر بۆیه‌ گوێم له‌ ده‌نگی خودی مامۆستا هه‌ژار گرت و چه‌ندین جاریش گوێم لێ گرت بۆ ئه‌وه‌ی بزانم خۆی چۆنی خوێندۆته‌وه‌. مامۆستا هه‌ژاریش كه‌ وه‌رگێڕانی چوارینه‌كانی خه‌یامی به‌ ده‌نگی خۆی تۆمار كردووه‌، ده‌ڵێ "به‌ بێ نه‌وه‌ستان" نه‌ك "به‌ پێ نه‌وه‌ستان"

حه‌سه‌ن ڕ | 14 Feb 2010 - 21:48
هه‌ڵبه‌ت ده‌کرێ ئه‌و شێعره‌ به‌و شێوه‌ش‌ نووسرابێ به‌ڵام پاشان ده‌ چاپ کردنیدا هه‌ڵه‌یان کردبێ واته‌
جوانی به‌ په‌له‌ وبه‌ پێ نه‌وه‌ستان ڕۆیی
یانی به‌ بێ وه‌یکه‌ من پێی بوه‌ستم یان ده‌ره‌قه‌تی بیم جوانی به‌ په‌له ڕۆیی‌

حه‌سه‌ن | 14 Feb 2010 - 21:34
نه‌وه‌ستان یان ڕانه‌وه‌ستان ده‌کرێ دوو مانایان هه‌بێ یه‌کیان ئیدامه‌ و درێژه‌‌ به‌شتێک یان ڕه‌وتێک و دووهه‌مییان که‌ ده‌و شێعره‌دایه‌ به‌رهه‌ڵسه‌تکاری نه‌کردن له‌ڕاست شتێک یان مه‌قاومه‌ت نه‌کردن و خۆ به‌ده‌سته‌وه‌ دان و ته‌سلیم بوون جا من پێموایه‌ مام هه‌ژار لێره ده‌یه‌وێ بڵێ من ته‌مه‌نی جوانیم ئاوا به‌ په‌له‌ و به‌ بێ هیچ به‌رهه‌ڵستکارییه‌ک یان خۆ مه‌قاومه‌تێک یان بوونی توانایی پێش پێگرتنێک خه‌ریکه‌ ده‌ڕوا
.............
کاک حه‌سه‌نی به‌ڕێز!
وه‌ستان ده‌کرێ به‌ مانای به‌رهه‌ڵستکاریش بێ، وه‌ک ئێوه‌ وتووتانه‌، به‌ڵام له‌و حاڵه‌ته‌شدا، هه‌ر وه‌ستان دروسته‌، نه‌ک نه‌وه‌ستان. یانی دیسان پرسیاره‌که‌ ده‌بێته‌ ئه‌وه‌: "به‌ بێ نه‌وه‌ستان" یانی چێ؟ ئایا "به‌ بێ وه‌ستان" دروست نییه‌؟

ناسری حیسامی | 14 Feb 2010 - 21:01
وایه‌ کاک کامیلی به‌ڕێز! "به‌ بێ نه‌وه‌ستان ڕۆیی" هه‌ڵه‌یه‌. مام هه‌ژار ویستوویه‌تی بڵێ: "به‌ بێ وه‌ستان ڕۆیی"، به‌ڵام کێشی شیعره‌که‌ لێی تێک داوه‌. شێرکۆ بێکه‌سیش، هه‌ر له‌ نێوان "وه‌ستان" و "نه‌وه‌ستان" دا هه‌ڵه‌‌یه‌کی وای کردووه‌:

شه‌هید وتی:
من و زه‌وی وه‌کوو یه‌ک واین
ئه‌وه‌ی له‌ هیچمان ڕوو نه‌دا
نه‌وه‌ستانه‌!

دیاره‌ مه‌به‌ست ئه‌وه‌یه‌:
ئه‌وه‌ی له‌ هیچمان ڕوو نه‌دا، وه‌ستانه‌!
چونکه‌ زه‌وی، ناوه‌ستێ، واته‌ ئه‌وه‌ی ڕوونادا، وه‌ستانه‌. ده‌ستخۆش و سپاس بۆ تێبینییه‌که‌ت.

كامیل بۆكانی | 14 Feb 2010 - 20:39
وه‌ڵا كاك ناسر گیان شتێك له‌و چوارینه‌یه‌ دا ده‌مێكه‌ بۆ من بۆته‌ پرسیار به‌ڵام قه‌ت وه‌شوێن وڵامه‌كه‌ی نه‌كه‌وتم. ئه‌ویش ده‌سته‌واژه‌ی "به‌ بێ نه‌وه‌ستان"ـه‌ كه‌ چونكه‌ نه‌وه‌ستان خۆی باری نه‌رێنی هه‌یه‌ و "بێ"ش هێمای نه‌بوونه كه‌واته‌ "به‌ بێ نه‌وه‌ستان رۆیی" مانای ئه‌وه‌یه‌: "به‌ وه‌ستان رۆیی" ئه‌وه‌ش له‌ باری ماناییه‌وه‌ ئه‌وه‌نده‌ی من بیزانم دروست نییه‌.

1 2 >

بۆچوون بنێره‌