لێره‌، له‌ یادی فه‌سیح یاسه‌مه‌نی دا شتێک بنووسه‌!

کاک حه‌سه‌نی قازی له‌ وێبلاگه‌که‌ی خۆیدا، ڕوانگه‌، بابه‌تێکی ماڵپه‌ڕی "کولتوورنامه‌"ی هێناوه‌. کاک حه‌سه‌نی قازی نووسیویه‌تی:
"ماڵپەڕی "کولتوورنامە" کە بە شێوەزاری کورمانجی بڵاو دەبێتەوە، لە بابەتێک دا کە ئەمڕۆ، شەمۆ ٩ی ژانڤییەی ٢٠٠٩ بڵاوی کردوووەتەوە، بەشێک لەو قسانەی مامۆستا ئەمیری حەسەنپوور و منی لە بەرنامەی "ڕیگای ئاوریشم"ی کاناڵی مانگیلەی ئاسۆسات دا باس کردووە کە ئێوارەی جومعە ٨ی ژانڤییە بڵاو کراوە.ئەو بەرنامەیە شاعیر و نووسەر، بەڕێز ناسری حیسامی پێشکێشی دەکا. لە خوارەوە دەقی نووسراوەکەی "کولتوورنامە" بە کوردیی نێوەڕاست /سۆرانی بخوێننەوە
حەسەنی قازی
"

هه‌ره‌وه‌زی پێشوو، درێژه‌پێدانی غه‌زه‌لێکی ناته‌واو، باش به‌ ده‌سته‌وه‌ هات. له‌ سه‌ر پێشنیاری کاک حه‌سه‌ن. ڕ، بۆ هه‌ره‌وه‌زی ئه‌مجار، چه‌ند دووبه‌یه‌تیی بابه‌تاهیری هه‌مه‌دانی داده‌نێین بۆ داڕشتنه‌وه‌، به‌ زاراوه‌یه‌کی دیکه‌ی زمانی کوردی.

مانگی دیسامبری ئه‌مساڵ له‌ هه‌ولیر "کۆنفڕانسی زمانی ڕه‌سمیی هه‌رێمی کوردستان" به‌ڕێوه‌ چوو. ده‌گوترێ به‌ڕێوه‌به‌رانی کۆنفڕانسه‌که‌، نامه‌ی ئه‌میری حه‌سه‌نپووریان به‌ دڵ نه‌بوو. خۆیان نامه‌یه‌کیان نووسیوه‌ و له‌ جیاتی نامه‌که‌ی کاک ئه‌میر خوێندوویانه‌ته‌وه‌. نامه‌که‌ی کاک ئه‌میر لێره‌ بڵاو ده‌که‌ینه‌وه‌، به‌ڵام ئه‌گه‌ر زانیاری زیاترتان ده‌وێ، له‌ لای کاک حه‌سه‌نی قازی هه‌یه‌، له‌ وێبلاگی ڕوانگه‌.

ژماره‌یه‌ک له‌ خوێنه‌ران بۆچوونه‌کانیان به‌ فۆنتی ئینگلیسی ده‌نووسن. ئه‌و شێوه‌ نووسینه‌، خوێندنه‌وه‌ی ئاسان نییه‌ و، تێیدا زۆر له‌ وشه‌کانی زمانی کوردیش ده‌رفه‌تی ده‌ربڕین په‌یدا ناکه‌ن. تکایه‌ بۆچوونه‌کان به‌ فۆنتی کوردی بنووسن.

ئه‌و کورته‌ چیرۆکه‌، نازانم کێ نووسیویه‌تی. کردمه‌ کوردی. ئێمه‌ زۆرمان، له‌وانه‌یه‌ ئه‌و دیمه‌نانه‌ی ژیان ببینین و بیریان لێ بکه‌ینه‌وه‌، به‌ڵام ته‌نیا نووسه‌رێکی داهێنه‌ر ده‌توانێ وێنه‌یه‌کی هێنده‌ زوڵاڵیان لێ بخاته‌ به‌رچاو.

پیاوێک، شه‌ودره‌نگان، هیلاک و تووڕه‌، له‌ کار هاته‌وه‌. له‌ به‌ر ده‌رگای ماڵێ، کوڕه‌ پێنج ساڵانه‌که‌ی، چاوه‌ڕوانی بوو.
- بابه‌! شتێکت لێ پرسم؟
.....

وه‌ک مه‌لێکی لانه‌واز، پێم وا نه‌بوو قه‌ت پێوه‌ بم
بچمه‌‌ ناو کونجی قه‌فه‌س، دڵبه‌سته‌ به‌و چوارچێوه‌ بم!

”گه‌نجی دنیام ناوێ“ ده‌مگوت. چاوه‌که‌م! حه‌ق وا نه‌بوو -
تاقه‌ خاڵێک بمگرێ و گیرۆده‌ به‌و دوو لێوه‌ بم.

پارچه‌یه‌ک مۆسیقا، بۆ ئه‌و کاتانه‌ی

کڕێوه‌یه‌ و
به‌فر ئه‌بارێ به‌سه‌ر دڕک و گاشه‌به‌ردا
چیا ئارام، سه‌ری لووتکه‌ له‌ ته‌م ده‌سوێ،
ده‌ربه‌ند دڵته‌نگ، مژی خه‌می لێ هه‌ڵده‌ستێ.

لێره‌ گوێی بده‌یه‌!

له‌ ئه‌ده‌بی کوردی و فارسیدا، هه‌ن نموونه‌ی وا که‌ دێڕه‌ شیعرێک، وه‌ک سه‌ره‌تای غه‌زه‌لێکی ناته‌واو، چه‌ند که‌س، هه‌ریه‌ک به‌ زه‌وق و شاره‌زایی خۆی، درێژه‌ی پێده‌دا. لێره‌ له‌ شارستان، دێڕێک بۆ ئه‌وه‌ پێشنیار ده‌که‌ین. هه‌تا چوار هه‌فته‌ی دیکه‌ کات هه‌یه‌ بۆ ئه‌وه‌ی، ئه‌و شاعیرانه‌ی ده‌یانهه‌وێ غه‌زه‌له‌که‌ ته‌واو بکه‌ن، به‌ چێژی خۆیان ته‌واوی بکه‌ن. دێڕی یه‌که‌م کاک حه‌سه‌ن.ڕ پێشنیاری کردووه‌.
شاعیران بۆیان هه‌یه‌، له‌ دێڕی یه‌که‌میش دا، وشه‌ بگۆڕن و وشه‌ی دڵخوازی خۆیان دابنێن، به‌ڵام کێشی شیعره‌که‌ و، سه‌روای یه‌که‌م (پێوه‌بم) ناگۆڕدرێ.

ڕووباری ده‌نگی تۆم پێدا دێ
ده‌نگی تۆ که‌ دووره‌ و
ده‌نگی تۆ که‌ ئارام
له‌ شیوی شینباوی شه‌وه‌وه‌ دێته‌ده‌ر.
ده‌نگی تۆ که‌ پڕه‌ له‌ پرسی شه‌پۆل و
گومانی گۆمیلکه‌ی به‌رسێبه‌ر.
ده‌نگی تۆ و
هه‌ناسه‌ت که‌ ئاوا دڵنیا
به‌ که‌لی بڵندی تاسه‌مدا دێته‌سه‌ر