بۆ پشوو،
لەناو باخەکان
عەرزم ڕادەخست
ئاسمانم بەخۆم دادەدا
خۆرەتاو
لە ئامێزی دەگرتم!

باشە وا بێ! کە دەڕۆی تۆ، سەفەری خێرت بێ
تۆ سەری برایەتیمان، کە لە سامی ئێرە دەرچووی
کە سەرت بە ساغی دەرکرد، کە گەیشتیتە هەواران
تۆ دوعا و سڵاوی ئێمەش، بگەیێنە دۆست و یاران:
بە چرۆ، بە سەوزەڵانی،
بە نمەی زوڵاڵی باران!

ئێسته‌ بیرم له‌لای تۆیه‌
که‌ چه‌ند دژوار چاوه‌ڕوان بووی
له‌ هه‌موو خۆرنشینێکدا ڕه‌نگی سیمای تۆ ده‌بینم
چه‌نده‌ هێمن ده‌چوویه‌ ناو نوێنی ئازار

له‌و دیو هه‌موو ئاسۆکانی یادم ده‌نگی تۆ دێ
چه‌نده‌ ئارام ده‌چوویه‌وه‌ بۆ که‌ناری سوێری فرمێسک
چ دڵشکاو هه‌ڵده‌کشایه‌ سه‌ربانیژه‌ی به‌رزی هاوار

پاییز دێت، به‌خۆی و به‌ گوێماسیله‌کانی ده‌ریا،
به‌ چیا سه‌ر به‌ته‌مه‌کانی و
به‌ هه‌وره‌ هێشوییه‌ شۆر داکه‌وتوه‌کانیه‌وه‌،
وه‌لێ که‌س ناپه‌ڕژێته‌ سه‌ر ئه‌وه‌ی‌ له‌ نیگای چاوه‌کانی تۆ بڕوانێ،
چوونکه‌ تۆ بۆ هه‌میشه‌ مردووی

هیلاکی ڕه‌نجێکم که‌ ڕه‌نجی من نییه‌
دانیشتووی خاکێکم که‌ خاکی من نییه‌
ناسراوی ناوێکم که‌ ناوی من نییه‌
گریاوی ژانێکم که‌ ژانی من نییه‌
زاده‌ی له‌ززه‌تێکم، له‌ززه‌تی من نییه‌
به‌ مه‌رگێکیش ده‌مرم که‌ مه‌رگی من نییه‌

ئیستا، کات درەنگ بووە و بیرم لای ئەو چرکە ساتانەیە کە تۆ پێیدا تێدەپەریت، بەدەم ملوانکەیەک خەیاڵی سەوزەوە دەرۆیت خۆت خستۆتە سەر لەپی دەست و ژیان بەرێدەکەیت، منش هەمان شت، بەڵام من بیر لە بۆنی چای ناکەمەوە ، بەڵام بیر لەو سێوە لاسورانە دەکەمەوە کە هەموو پاییزێک وەرمان دەگرتن، ئەوان لە ئەودیوە و دەهاتن بۆیە بۆنیان هێندە خۆش بوو، دڵم نەدەهات کە گازیان لێ بدەم تاوێک بەدیاریانەوە مشتم لی پڕدەکردن.

ئەمڕۆ چوومەوە نێو کاغەزەکان. پاکەتێکی گەورەم وەبەر دەست هات، کە نازانم کەی پێچاومەتەوە. لە بیریشم نەماوە چیی تێدا هەڵگیراوە. یادداشتی جۆراوجۆر... شیعری ناتەواو، نامە لە سەر کاغەزی جۆراوجۆر هەر یەکەی لە ڕەنگێک، شین و سەوز و پەمەیی... سەرەنجام پەڕە کاغەزێک هاتە بەر دەستم، دیوێکی نووسراوە و دیوەکەی دیکەی نا. ژمارەی لاپەڕەشی پێوە نییە. دەزانم لاپەڕەیەکە لە دەفتەری بیرەوەرییەکانم، بەڵام هی کام دەفتەر و، چ ڕۆژێک؟ نووسراوەکە بە نیوە ڕستەیەک دەست پێدەکا و بە ڕستەیەکی ناتەواو کۆتایی پێدێ

بۆ خوێندنەوەی بەشەکانی پێشووی بیرەوەرییەکان، ئێرە کلیک بکە.

ماوەیەک بوو لە نووسینەوەی بیرەوەرییەکان دابڕابووم. بەشی پێشتر، بەشی چوارەم،کۆتایی مانگی نۆڤامبری ساڵی ٢٠٠٩ بڵاو کرایەوە. ئەوە ئێستا بەشی پێنجەم بڵاو دەکەمەوە.

ژن و عەشق
لە شارێکدان،
لە کۆلانێکدا ڕووبەڕووی یەك،
هەموو عەسرێک چاو دەبڕنە سێبەری خۆر ،
تۆزێ شەرم دایان دەگرێ